حرمت على نفسي الحزن والبكاء

تحيا مصر 300x112 حرمت على نفسي الحزن والبكاءفي كل مرة كان بيستشهد جندي او مواطن مصري على ايد الارهاب الخسيس الجبان, كنت ابكي في الماضي لأني ام زي كل الامهات ومش بالضرورة يموت لي غالي عشان احس بكل ام فقدت ضناها نورعينيها وقلبها…

لكن وتحديدا من بعد 14 اغسطس 2013 يوم فض الاعتصام المسلح في رابعة والنهضة ومن كتر ماشوفت الدم والجثث الي اغتالوها بدم بارد من جنود وقضاة ومدنيين حرمت على نفسي البكاء وحزني صامت من غير كلام

حرمت على نفسي الانهزام حرمت على نفسي الشعور بالانكسار او الاحباط

صحيح لا املك سلاح فتاك احارب بيه الاعداء, لكن مين قال ان السلاح الي بيصيب في مقتل هو الرصاص او القنابل او المتفجرات؟ السلاح ده بيستخدمه الجبناء المرتزقة القتلة لأنهم متصورين ان سفك دمائنا هيخلينا نختفي من على وجه الارض…

سلاحي هو الامل هو الارادة هو العزيمة هو الاصرار هو العمل هو البناء هو العطاء هو حب الوطن والانتماء له والدفاع عنه هو محاربة اعداء مصر في الداخل والخارج بالكلمة, لأن الكلمة سلاح اقوي من اي سلاح

الكلمة الي اسقطت الاخوان هي “ارحل” ارحل ارحل هي السلاح الي هزمنا بيه الاخوان واذنابهم في العالم كله يوم 30 يونية ثورة مصر العظيمة

حاربوهم بالكلمة واوعوا تنسوا ابدا جرايمهم اوعوا ارهاب اليوم ينسيكم ارهاب الامس عشان ننتصر في الحرب دي عليهم لازم نفتكر دايما كل شهيد قتلوه بخسة وندالة

انا اؤمن ان الشيطان هو اي انسان وكل انسان تسول له نفسه ان يقتل اي نفس خلقها الله وجماعة الاخوان هي الشيطان الي لازم نحاربه في كل مكان

لو وقفت تتفرج عليهم ووقفت سلبي فإنت اشد جرما منهم…هو ده الي هما عاوزينه اننا نلتزم الصمت عن جرايمهم وكم مرة ركبونا ودلدلوا رجليهم من على اكتافنا عشان سكتنا عن جرايمهم وفاشيتهم واعتبروا ان السكوت علامة الرضا…

مصر هي بيتك مصر هي شرفك وعرضك مصر هي اولادك مستحيل تفرط في شرفك ولا في اولادك

انا مش عاوزة اعيش 70 ولا 80 سنة وانا مواطنة سلبية ابكي واحزن واقول حسبي الله ونعم الوكيل في الاخوان الارهابيين. طول ماربنا مديني العمر هجاهد وهحارب بالكلمة زي كل جندي في ميدان المعركة لأخر نفس في عمري. الاخوان اعداء الانسانية بيتحدوا ربنا في انهم متصورين انهم يحيوا هذا ويميتوا هذا هما دول اعدائنا الي لازم نحاربهم بلا هوادة.

الكافر او الملحد بينكر وجود ربنا لكن مش كل كافر او ملحد فاجر ولا مجرم ولا ارهابي….لكن المتأسلمين هما الفجار هما القتلة هما الارهابيين الي اشد كفر بالله والحاد لأنهم بيتحدوا الله في الارض وبيتحدوا الله في خلقه

قال الله تعالى:{إِنَّمَا جَزَاء الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَادًا أَن يُقَتَّلُواْ أَوْ يُصَلَّبُواْ أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيم.

اللهم احفظ مصر من كيد كل متكبر فاجرمفسد في الارض, اللهم رد كيد اعداء مصر في نحورهم واجعل تدبيرهم في تدميرهم

#تحيا_مصر

ودعت معاك كل حاجة حلوة في الدنيا ياابني

Leave a Reply